५० रुपयांच्या आवर्ती ठेव योजनेचे केले ९ लाख !

नाशिक : सिडको परिसरातील पोस्ट ऑफिसमध्ये डाक सहाय्यक या पदावर कार्यरत असणाऱ्या संशयिताने आपल्या पदाचा गैरवापर करीत पोस्ट ऑफिसला लाखो रुपयांना चुना लावत फसवणूक केल्याचा गंभीर प्रकार उघडकीस आला आहे. याबाबत अंबड पोलीस ठाण्यात गुन्हा दाखल करण्यात आला आहे. या संशयिताने अशा प्रकारे अजूनही काही उपद्व्याप केलेले आहे का याचाही पोलीस शोध घेत आहे.

           फास्ट मनी आणि लवकर श्रीमंत होण्याच्या नादात कोण काय करेल याचा भरोसा नाही. मात्र, अल्पावधी मध्ये पैसे कमविण्याचा प्रयत्न अंगाशी आल्यास काय होऊ शकते याचा विचार काही लोक करीत नाही. आणि होत्याचे नव्हते करून बसतात. अशाच पद्धतीने पोस्ट ऑफिसमधील कर्मचाऱ्याने आपल्या पदाचा गैरवापर करीत पोस्ट ऑफिसला चुना लावल्याचे समोर आले आहे. मात्र, त्याच्या या कारनाम्यामुळे त्याच्या नोकरीवर देखील गदा येऊन ठेपली आहे.