पोलीस आयुक्तालयाचा गुन्हे अन्वेषण रेट वधारला ?

स्थान महात्म्य आणि पोलिस ठाण्यातील अनैच्छीक भार गुन्हे शाखेच्या पथ्यावर !

वास्तविक गुन्हा ज्या हद्दीत घडला त्याच पोलीस ठाण्यात तक्रार दाखल होते. त्याच अनुषंगाने तपास देखील तेच पोलीस करतात. गुन्हे शाखा केवळ गुन्हेगारांचा शोध घेण्यास मदत करणारी यंत्रणा आहे. मग तपासी अंमलदारांनी मुद्देमालाचे मूल्यांकन करायचे की, गुन्हे शाखेने ? हे अधिकारावर अतिक्रमण तर नाही ना ? अनेकदा माध्यमांसाठी दिलेल्या मजकूरात प्रत्येक वस्तूचे वेगळे मूल्यांकन दिले जाते, तसे याठिकाणी का नाही ? फिर्यादीत सोन साखळीचा उल्लेख आणि मुद्देमाल सापडतो लगड स्वरूपात, हे कसे याचाही खुलासा प्रेसनोटमध्ये दिसत नाही. एकूणच घाईत तयार केलेली प्रेसनोट विविध शंका सोबत ठेवून प्रसार माध्यमांपर्यंत पोहोचली. असाच निष्कर्ष काढावा लागतो. अशा प्रकारचे अनेक गुन्हेगार पोलीस ठाण्यात कार्यरत असलेल्या फौजेला कधीच सापडत नाहीत. मात्र, हीच मंडळी जेव्हा गुन्हे शाखेत बदलून येते तेव्हा त्यांची कार्यक्षमता अचानक बळकट होते. खबऱ्यांचे जाळेही मजबूत होते. स्थान महात्म्य आणि पोलीस ठाण्यात जाणवणारा अतिरिक्त अनैच्छीक ताण या घटकांचा कदाचित हा परिणाम असू शकतो. याची जाणीव ठेवून पोलीस आयुक्तांनी आपली कार्यपद्धती ठरवावी, अशा प्रतिक्रिया उमटू लागल्या तर नवल नाही.