भुजबळ नाशिक जिल्ह्याला लागलेली साडेसाती – जरांगे पाटील

             या सभेला संबोधित करताना जरांगे पाटील यांनी सांगितले की, नाशिक जिल्ह्यातील मराठा ताकदीने एकत्र झाला. नाशिकच्या मराठ्यांनी सर्व महाराष्ट्राला दिशा दिली. मराठवाड्यापेक्षा अधिक ताकदीने मराठा समाज एकत्र आला असल्याचे सांगत त्यांनी नाशिकच्या मराठा बांधवांचे तोंडभरून कौतुक केले. तसेच, भुजबळ हे तुमच्या जिल्ह्याला लागलेली साडेसाती आहे. सर्व दुनियाचा दलिंदर म्हणतो आठ जागा निवडून आणून दाखव. आम्ही सांगतो याची सुरुवात नाशिक पासूनच करणार आहे. भुजबळाने पहिले शिवसेना आणि नंतर राष्ट्रवादी फोडली आता नंबर देवेंद्र फडणवीस यांच्या भाजपाचा आहे. समाजाच्या वेदनेपुढे माझ्या वेदना काहीच नाही. करोडो समाज बांधवाच्या वेदना बसू देत नाही. माझं दुखणं म्हणजे मराठा आरक्षण आहे. या वेदना कोणत्याही डॉक्टरांना समजणार नसल्याचे भावनिक उदगार देखील त्यांनी काढले.

           शेवटी त्यांनी निवडणुकीच्या दृष्टिकोनातून बुधवार दि. १४ पासून ते मंगळवार दि. २० ऑगस्ट पर्यंत सर्वांनी आपला बायोडाटा घेऊन आंतरवली सराटी येथे येण्याचे आवाहन केले. तसेच, पक्षाला बाप मानण्यापेक्षा समाजाला बाप माना. वेळ आल्यावर बदला घ्यायचे शिका. उमेदवार उभा केला तर मराठ्यांची इज्जत जाऊ देऊ नका. भरभरून मतदान करा. मुलासाठी आणि जातीसाठी मतदान करून उभा केलेला उमेदवार निवडून देण्याचे देखील त्यांनी आपल्या भाषणात सांगितले.