नाशिकच्या रस्त्यांनी घेतला पुन्हा दोन युवकांचा बळी !

अभिजीत मराठे हा एमसीएचे शिक्षण घेत होता. मोठ्या बहिणीचे लग्न झाले असून अभिजित आई-वडिलांना एकुलता एक मुलगा होता. आई वडील पाथर्डी फाटा येथे दामोदर नगर येथे राहतात.

मयुर जगदेव कावरे हा मित्राच्या फ्लॅटवर अभ्यास करण्यासाठी जात होता. शनिवारी त्याचा आयटीचा पेपर होता. पाटबंधारे ऑफिस समोर असलेल्या कचमुळे गाडी स्लीप होऊन अपघात झाल्याचे घटनास्थळी प्रत्यक्षदर्शी नागरिकांनी सांगितले आहे. त्याच्या घरी देखील आई-वडील आणि एक बहीण असा परिवार आहे.

मुंबई आग्रा महामार्गावर जत्रा चौफुली येथे ३ ऑक्टोबर रोजी सविता संजू शिरसाठ, ५०, रा. रॉयल रेसिडेन्सी, आडगाव शिवार, नाशिक या महिलेचा रस्त्यावर पडलेल्या खड्डयात दुचाकी आदळून झालेल्या अपघातामध्ये दुर्दैवी मृत्यू झाला होता. त्यानंतर पुन्हा या दोघा महाविद्यालयीन विद्यार्थ्यांचा रस्त्यावर पडलेल्या कचमुळे मृत्यू झालेल्या नाशिकचे रस्ते जणूकाही मृत्यूचे सापळे बनल्याचे भयाण वास्तव दिसू लागले आहे. त्यामुळे चुकीच्या पद्धतीने रस्ते बनवणारे आणि त्याला पडलेले खड्डे बुजवणाऱ्या ठेकेदारांवर सदोष मनुष्यवधाचे गुन्हे दाखल करण्याची मागणी नागरिकांकडून करण्यात येत आहे.