चोरट्यांनी केला लाखो रुपयांचा लसूण लंपास !

पंचवटी परिसरात गुन्हेगारीसह चोऱ्यांच्या घटनांमध्ये वाढ !

शरदचंद्र पवार मार्केट येथे अज्ञात चोरट्यांच्या टोळक्याने लसणाच्या गोण्या चोरल्याचे सीसीटीव्ही फुटेजमध्ये दिसत आहे. तसेच, या लसणाच्या गोण्या दुचाकीवरून घेऊन जाण्यात आल्याचे एका सीसीटीव्ही फुटेजमध्ये दिसत आहे. त्यामुळे तीन ते चार दुचाकीस्वार दुचाकीवरून लसणाच्या गोण्या घेऊन जात असताना त्यांना हटकण्यासाठी एकही सुरक्षारक्षक या ठिकाणी आणि मुख्य प्रवेशद्वारावर उपस्थित नव्हता का असाही प्रश्न व्यापाऱ्यांकडून उपस्थित केला जात आहे.  

नाशिक कृषी उत्पन्न बाजार समितीकडून डायनॅमिक सिक्युरिटी एजन्सीला सुरक्षा रक्षक पुरविण्याचे काम देण्यात आले आहे. शरदचंद्र पवार मार्केट मध्ये १२ सुरक्षारक्षक असून, कांदा बटाटा सेक्शन येथे दोन सुरक्षारक्षक तैनात करण्यात आले होते. असे असताना देखील लसणाच्या गोण्यांची चोरी झाल्याने डायनॅमिक सिक्युरिटी एजन्सीला कारणे दाखवा नोटीस देऊन खुलासा मागविण्यात आला आहे. : निकेत साळवे, सुरक्षा अधिकारी, नाकृउबा समिती