घरफोडी करणाऱ्यास सिनेस्टाईल पाठलाग करून पकडले !

            याबाबत पोलिसांनी दिलेली माहिती अशी की, अंबड पोलीस ठाण्याच्या गुन्हे शोध पथकातील कर्मचारी पोलीस हवालदार पवन परदेशी आणि तुषार मते हे रात्रीच्या सुमारास गस्त घालत असताना माहिती मिळाली की, अज्ञात चोरटे चोरी करून दुचाकीवरून पळुन जात आहे. माहिती मिळताच त्यांनी संशयित चोरट्यांचा पाठलाग सुरू केला. यावेळी चोरटे व पोलिसांमध्ये झटापट देखील झाली. पोलिसांनी मोठे धाडस दाखवत घरफोडी करून पळून जाणाऱ्या एका सराईत संशयितास सिडकोतील बडोदे नगर भागात झडप मारून पकडले. मात्र अंधाराचा फायदा घेऊन त्याचा एक साथीदार पळून जाण्यात यशस्वी झाला. पोलिसांनी संशयिताला ताब्यात घेऊन पोलीस ठाण्यात आणले असता पोलीस खाक्या दाखवताच त्याने आपले नाव रामसिंग धनसिंग भोंड (३२, रा. भीमवाडी गंजमाळ भद्रकाली )असे सांगत अंबड पोलीस ठाण्याच्या हद्दीत पाच ठिकाणी घरफोडी केल्याची कबुली दिली.