अल्पवयीन मुलीचा विनयभंग करणारा डिलिव्हरी बॉय जेरबंद !

नेहमीप्रमाणे युनिट एकच्या पथकाने तात्काळ विनयभंगाच्या गुन्हयाची उकल करण्यात यश मिळविले आहे. मात्र, दुसरीकडे पंचवटी पोलीस ठाण्यातील गुन्हे शोध पथक नेमके काम करते काय असा प्रश्न नागरिकांना पडला आहे. कारण मेरी कंपाउंड येथे झालेल्या युवकाच्या हत्येप्रकरणातील संशयित आरोपी देखील गुन्हे शाखा युनिट एकच्या पथकानेच ताब्यात घेतले होते. अशाच पद्धतीने गेल्या काही महिन्यांपासून पंचवटी परिसरात कुठलाही गुन्हा घडल्यास त्याची उकल गुन्हे शाखा युनिट एक करीत असल्याने पंचवटी पोलीस ठाण्यातील गुन्हे शोध पथक कुंभकर्णाच्या झोपेत असल्याचा आरोप नागरिकांकडून करण्यात येत आहे. गोदाघाट परिसरात जवळपास दररोज कपालेश्वर महादेव मंदिर, रामकुंड, साईबाबा मंदिर, यशवंत महाराज पटांगण या परिसरातून दुचाकी चोरी होत आहे. मात्र, या चोऱ्या रोखण्यात देखील पंचवटी पोलीस अपयशी ठरत आहे.