विकास कामांच्या जोरावर ढिकले पुन्हा निवडून येणार – संभाजी मोरुस्कर
ढिकले यांचा पंचवटी आणि नाशिकरोड भागात मतदारांशी संवाद !
नाशिक : विधानसभेच्या नाशिक पूर्व मतदार संघातील महायुतीचे उमेदवार ॲड. राहुल ढिकले यांनी मंगळवारी पंचवटीतील प्रभाग क्रमांक पाच मधील पेठ फाटा, नवरंग मंगल कार्यालय, चित्रकूट सोसायटी येथील मतदारांची सकाळच्या सत्रात भेट घेतली तर सायंकाळच्या सत्रात नाशिक रोड भागातील डावखरवाडी, सूर्योदय सोसायटी येथे नागरिकांच्या बैठका घेऊन पूर्व विधानसभा मतदार संघाच्या विकासाचे व्हिजन मांडले. यावेळी केलेल्या विकास कामांच्या जोरावर पुन्हा ॲड. राहुल ढिकले निवडून येतील असा विश्वास माजी नगरसेवक संभाजी मोरुस्कर यांनी व्यक्त केला.
सन २०१९ मध्ये ॲड. राहुल ढिकले हे भाजपकडून उभे राहिले आणि पहिल्याच निवडणुकीत त्यांनी मोठ्या मताधिक्याने राष्ट्रवादी काँग्रेसच्या उमेदवाराचा पराभव केला. आता देखील विकास कामांच्या जोरावर ढिकले हे राष्ट्रवादी शरद पवार गटाच्या उमेदवाराचा पराभव करतील असा विश्वास व्यक्त करण्यात आला. मागील पाच वर्षात ॲड ढिकले यांनी आमदारकीच्या कारकिर्दीमध्ये ‘न भूतो‘ असा विकास करून दाखविला. छत्रपती संभाजी महामार्गावरील दोन उड्डाणपूल व वैद्यकीय महाविद्यालय या मोठ्या कामांबरोबरच कॉलनी अंतर्गत रस्ते, मंदिरांची डागडुजी, नवीन मंदिरांची उभारणी, तपोवनात उभारण्यात आलेले ७१ फुटी प्रभू श्रीरामाचे शिल्प, पेठ रोडचे कॉंक्रिटीकरण, मळे भागात रस्ते तसेच पथदिप व्यवस्था, पंचक येथे अमृत गार्डनची निर्मिती या महत्त्वाच्या कामांचा समावेश आहे. पाच वर्षे सातत्याने मतदारांशी संपर्क ठेवल्याने ऍड. ढिकले हे घराघरात पोहोचले. कोविड काळात त्यांनी केलेले काम अनेकांच्या मदतीला आले. पुढील पाच वर्षात सिंहस्थ निधीतून पूर्व मतदार संघाचा कायापालट करण्यासाठी ॲड ढिकले यांचेच नेतृत्व आवश्यक्य आहे. असा विश्वास माजी नगरसेवक संभाजी मोरुस्कर यांनी व्यक्त केला.
या प्रचार दौऱ्यात अंबादास पगारे, माधुरी पालवे, रामभाऊ कदम, संतोष क्षीरसागर, दामूभाई साखला, मोहनभाई पटेल, ईश्वरभाई पटेल, खिमजीभाई पटेल, चंदुभाई छबैय, गोपालभाई पटेल, प्रकाशभाई पटेल, अनिलभाई पटेल, रमेशभाई पटेल, बिपीनभाई पटेल, मुकेशभाई पटेल, भारतभाई पटेल, देवेंद्रभाई पटेल, हेतलभाई पटेल, पंकज गुजराणी, गौरव सुराणा, रूपेश मोदी, मूलचंद बेदमुथा, सुनिल बंब, हर्षल कुमट, पांडुरंग येवले, मिलिंद कुलकर्णी, संतोष जाधव, भूषण रावत, सागर चौगुले, सागर कोठुळे, पंकज वाणी, स्वप्निल ओढाणे आदीसह पदाधिकारी व कार्यकर्ते, मतदार बांधव मोठ्या संख्येंने उपस्थित होते.
