विनोद तावडेंच्या उपस्थितीमध्ये भाजपचे शक्तिप्रदर्शन !

रॅली काढून ढिकले यांनी भरला आपला उमेदवारी अर्ज !

ढिकले यांच्या रॅलीमध्ये विनोद तावडे यांची उपस्थिती !

नाशिक : नाशिक पूर्वचे भाजपचे उमेदवार ॲड. राहुल ढिकले यांनी प्रचंड शक्ती प्रदर्शन करीत भाजपचे जेष्ठ नेते विनोद तावडे यांच्या उपस्थितीमध्ये रोड शो करीत आपला उमेदवारी अर्ज भरला. यावेळी भाजप, राष्ट्रवादी काँग्रेस, शिवसेना यांच्यासह मित्र पक्षांचे पदाधिकारी आणि कार्यकर्ते मोठ्या संख्येने सामील झाले होते. यावेळी ढिकले यांचे चौकाचौकांमध्ये औक्षण करून त्यांचे स्वागत करण्यात आले. 

रोड शो दरम्यान कुठलाही अनुचित प्रकार घडू नये यासाठी पंचवटी पोलीस ठाण्याच्या वतीने चोख पोलीस बंदोबस्त ठेवण्यात आला होता. तसेच, पंचवटी कारंजा ते रविवार कारंजा दरम्यान एका बाजूची वाहतूक बंद ठेवण्यात आली होती.