किरकोळ वादातून मित्रांनीच केला मित्राचा खून !

 

सध्या गणेशोत्सव सुरु झाला असून, रात्री उशिरापर्यंत रस्त्यावर भाविकांची वर्दळ दिसून येत आहे. तसेच, कुठलाही अनुचित प्रकार घडू नये यासाठी चौकाचौकांमध्ये पोलीस बंदोबस्त तैनात करण्यात आलेला आहे. असे असताना देखील पंचवटी कारंजा पोलीस चौकीपासून हाकेच्या अंतरावर हा खून करण्यात आल्याने पोलिसांच्या कार्यक्षमतेविषयी पुन्हा एकदा नागरिकांकडून प्रश्नचिन्ह उपस्थित केले जात आहे. 

पंचवटी गुन्हे शोध पथकास तांत्रिक विश्लेषणाच्या मदतीने बादल वाघ हा धुळयाला असल्याचे समजले. मात्र, संशयित प्रवासात असल्याने त्याचे ठिकाण सातत्याने बदलत असल्याने पोलीस पथक रात्रभर त्याच्या मागावर होते. तांत्रिक विश्लेषणाच्या आधारे बादल वाघ हा वडाळी भोई ते सोग्रसफा ट्याच्या दरम्यान स्थिरावल्याचे समजताच पथकाने परिसरात सापळा लावून बादल याला ताब्यात घेतले.