दहा दिवसात खुनाच्या दुसऱ्या घटनेने सिडको हादरले !

अंबड पोलीस ठाण्याचा कारभार नुकताच वरिष्ठ पोलीस निरीक्षक मधुकर कड यांनी हाती घेतला आहे. त्यांनी अंबड पोलीस ठाण्याची सूत्रे १९ जून रोजी हाती घेतली होती. सूत्रे हाती घेताच आठवडाभरात प्रशांत भदाणे या युवकाच्या हत्येची घटना घडली होती. तर पुन्हा दुसऱ्या आठवड्यात हत्येची घटना घडल्याने परिसरात दहशतीचे वातावरण पसरले असून, सिडकोतील शमलेली गुन्हेगारी पुन्हा डोके वर काढू लागली असल्याची चर्चा सध्या सिडको परिसरात रंगली आहे. त्यामुळे कड यांच्यासमोर गुन्हेगारी रोखण्याचे मोठे आव्हान असणार आहे.