लोक चंद्रावर जाऊन आले मात्र, मनपाचा व्हॉल्व चार वर्षांपासून येईना !

कमी वेळ आणि मुबलक पाणी पुरवठा होत नसल्याचा आरोप !

स्थानिक रहिवाश्यांनी केले अचानक आंदोलन !  

पहाटे पाणी सव्वा पाचला पाणी सुरु होते आणि पावणे सहा वाजता पाणी जाते. पहिले दहा मिनिटे फक्त हवाच येते. त्यामुळे आम्ही हवेचे पैसे भरायचे का ? अधिकाऱ्यांना बोलण्यास गेल्यास ते कायद्याची भाषा शिकवतात. आम्हाला देखील कायदा समजतो. लोक चंद्रावर जाऊन खाली आले. मात्र, यांचा व्हॉल्व चार वर्षांपासून येत नाही. पावसाळा असून देखील पाणी भेटत नाही. : स्नेहल गंभीरे, स्थानिक रहिवाशी 

स्थानिक प्रतिनिधी यांच्यासह अधिकाऱ्यांना अनेकदा निवेदन दिले. मात्र, स्थानिक अधिकारी आयुक्तांचा प्रॉब्लम सांगतात. मोटार लावली तर अरेरावी आणि दंडाची भाषा करतात. आम्हाला काम सोडून पाण्यासाठी धावपळ करावी लागते. पाण्याला कुठलेच प्रेशर नसते. मोटार लावल्याने लाईटबील देखील जास्त येत आहे. पाण्याचे बिल भरले नाहीतर नोटीस पाठवतात. आम्ही दुष्काळी भागात राहत नाही. तरी इतकी समस्या का ? : संगीता सूर्यवंशी, स्थानिक रहिवाशी

पाणी पंधरा ते वीस मिनिटे अधिक पाणी सोडणार आहे. फिल्टरेशनचे काम पूर्ण झाल्यावर पाणी पुरवठा सुरळीत होईल. काम पूर्ण व्हायला एक ते दीड वर्ष लागू शकते. काम पूर्ण झाल्याशिवाय पाणी पुरवठा सुरळीत होणे शक्य नाही. : नरेंद्र शिंदे, उपअभियंता, पाणी पुरवठा विभाग