घरगुती गॅसचा काळाबाजार करणारे दोन अड्डे उध्वस्त !

कारवाई अगोदरच मिळते खबर – राजरोसपणे भरवस्तीत बिनदिक्कतपणे सुरु असलेल्या या अवैध गॅस भरणा अड्डे चालकांना मात्र ज्या दिवशी पोलीस कारवाई होणार आहे त्याची माहिती बिनचूक मिळते. त्यामुळे कारवाईच्या दिवशी बरेचसे अड्डे बंद सापडत असतात. त्यामुळे एक दोन अड्ड्यांवर कारवाई केल्याचा अहवाल वरिष्ठांपर्यंत दिला जातो. या अवैध गॅस भरणा अड्डे चालकांचा पोलीस खात्यातील खबरी कोण हे देखील पोलीस प्रशासनाने शोधण्याची गरज आहे.

अवैध गॅस भरणा अड्डे म्हणजे बॉम्ब – शहरातील अनेक भागात सुरु असलेले घरगुती गॅस सिलेंडर वाहनांमध्ये भरून देण्याचे अड्डे हे दाट लोकवस्तीत आहे. याठिकाणी कोणत्याही प्रकारे सुरक्षेच्या उपाययोजना नसल्याने भविष्यात एखादी मोठी दुर्घटना होऊन मोठ्या प्रमाणात जीवितहानी व वित्तहानी होण्याची शक्यता नाकारता येत नाही. काही महिन्यांपूर्वी येवला शहरात गॅस सिलेंडर मधून वाहनांमध्ये भरून देण्याच्या प्रकरणात ८ ते १० प्रवासी जखमी झाले होते तर परिसरातील घरांचे मोठ्या प्रमाणात नुकसान झाले असल्याची घटना घडली होती.