माणुसकीच्या नात्यांचा अनोखा उपक्रम डॉक्टर्स ऑन ड्युटी.. औषधांच्या पलीकडले… !

नाशिक मधील चार डॉक्टरांची आगळीवेगळी प्रॅक्टिस !

नाशिक : आजच्या धकाधकीच्या जीवनात प्रत्येकाची जीवनशैली बिघडत चालली आहे. स्पर्धेच्या युगात ताण-तणावाचे जीवन भोगलं जात आहे. आरोग्याकडे दुर्लक्ष होत आहे आणि अकालीच अनेक आजारांना कवटाळत अनेक जण डॉक्टरचे आणि पर्यायाने हॉस्पिटलचे मोठमोठ्या रकमेचे बिल भरत आहेत. परंतु याच कलियुगात नाशिकमध्ये चार अनुभवी आणि ज्येष्ठ डॉक्टर्स आहेत जे आपली रोजची प्रॅक्टिस करताना रुग्णाला कमीत कमी औषधे घ्यायला भाग पाडतात. इतकेच नाही तर रोजच्या जीवनात आरोग्यासाठी आहार, विहार आणि व्यायाम कसा उपयोगी पडेल याचे मार्गदर्शन देखील करतात.

           या चर्चासत्रामध्ये ज्येष्ठ जाहिरात तज्ज्ञ नंदन दीक्षित या चारही डॉक्टर्सची मुलाखत घेणार आहेत. तर सूत्रसंचालन पियू आरोळे करतील. चर्चासत्र हे विनामूल्य असून यासाठी मोफत पासेसची व्यवस्था डॉक्टर विजय घाटगे यांच्या शरणपूर रोड येथील क्लिनिकमध्ये, डॉक्टर नितीन घैसास आयटीआय जवळच्या हॉस्पिटलमध्ये, डॉक्टर चंद्रकांत संकलेचा यांच्या गोविंद नगर येथील हॉस्पिटल मध्ये आणि डॉक्टर विनिता देशपांडे यांच्या कॉलेज रोड येथील क्लिनिकमध्ये केली जाणार आहे. (पासेस नसेल तरी बसण्याची व्यवस्था करण्यात आली आहे.) जास्तीत जास्त संख्येने नाशिककरांनी उपस्थित राहण्याचे आवाहन आयोजकांनी केले आहे.